O`lsamu unutsang menday yigitni, Yog`ar yo`llaringga afsus-anduxim. Oq tulporday minib oppoq bulutni, Uyingning ustidan o`tadi Ruhim... Unga nima deysan, bevafo yorim? O`lsamu unutsang menday yigitni, Qaro tuproq silab yotsa kuragim, Sen o`choq oldida chaqqan gugurtni Uchida lovillab tursa yuragim... Shunga nima deysan, bevafo yorim? Sen Xudo emassan axir, o`ylanma, Jonimning rishtasi qo`lida uning, Ammo Muhammadsiz o`tmaydi kuning, Kel, mayli men o`lmay, sen ham qiynalma — Shunga nima deysan, bevafo yorim?..