Nizom akaga Bir oyoqda chopib kelding Cho‘loq turna. Uyim qaydan topib kelding, Cho‘loq turna? O‘zi qon bu dilni endi Sen ham tirna, Qay yovuzga nishon bo‘lding Cho‘loq turna?.. Keldingmi, kir, ostonada Cho‘chib turma. Bor ekan-da, peshonada, Cho‘loq turna. Begonamas bu ko‘rgilik, Boshga tushgan. Mening ham qoq yuragimga Tosh otishgan. Biz tilmochsiz bir-birimiz Tushungaymiz, Sharob ichmay aka-uka Tutingaymiz!