Suysangiz shoirni borida suying, Qadrlang sho'rlikni tirikligida, U yongan o'tlarning kulidan kuying! Arzir-arzimasga kuymay behuda. Fig'oni tutundek o'rlab falakka, Shoir xalq dardini tuyib yuradi. Oson ola ko'rmang o'sha yurakka, Hatto qabrda ham urib turadi! She'rga aylanadi bedor tunlari, Kunduzlar siz kabi oddiy tashvishda. Yozning qoq o'rtasi muzlay olar kim, Kim gullay oladi qahraton qishda. Ketaman ichimga ko'z yoshim yutib, Muhammad Yusufning qabri qoshidan Uning she'rlarini yuz bora o'qib, Yana o'qiyvergim kelar boshidan. Bitta "Qizg'aldoq" qa o'xshamas afsus, Shoirlar she'r bitib o'tsalar abad! Yig'lang, Muhammadning onasi o'lgan, Qayta tug'ilmaydi, demak, Muhammad.