Ko‘zim ochgan kunimdan hamdam, Hamxonasan men uchun, Vatan. Oftob bitta, oy bitta, sen ham — Yagonasan men uchun, Vatan. O‘zbekiston, ey aziz Vatan. Goh ko‘z yoshim tomgan tol beshik, Goh tuproq tosh, ko‘rimsiz eshik. Sir saqlasam, neki sir aytsam — Yagonasan men uchun, Vatan. O‘zbekiston, ey aziz Vatan. Shirmonbuloq, sutingdan ichdim, Tushimda ham bo‘yningdan quchdim. Sog‘inganim, sog‘inmasam ham — Sen onasan men uchun, Vatan. O‘zbekiston, ey aziz Vatan. Sendan ulug‘, Sendan muqaddas, Kim bor yana, ey oliy havas. Men sig‘inib yashagan olam — Ostonasan men uchun, Vatan. O‘zbekiston, ey aziz Vatan.