Қарамайди қайрилиб бир бор – Мен турибман остонада зор. Ойни узиб берсанг ҳам менга, Чиқмайман дер, ноз қилар дилдор. Ўтинчларим беҳуда, зорим, Илинжларим – ҳаммаси бекор. Рашким келар, келади орим, Чиқмайман дер, ноз қилар дилдор. Тошойнага термулиб лекин, Ўзи ўсма тортиб қошига, Дугонаси ёнида, тағин Тушиб кетар булоқ бошига. Жимман, бироқ узолмам кўзим, Кимларгадир қиламан ҳавас, Келишмаган йигитман ўзим, Сочларим ҳам жингалак эмас...